ياكبرياء الطموح وياسمو التفاكير

يافجر الحياة وغروبها مع مساها

يا لوعة الخاطر ويا لفحة هجير
ياشقا الدنيا وقمة عطاهـــــــــــا

يا وردة الخافق يا نسيم التباشير
يا معطرة نفحات الفؤاد بشذاها

ابي اسألك كان لي داخلك تفسير
كان كملت صورة عندك محتواها

وش رايك هو يصير او ما يصير
عندك داء نفسي وعندك دواها

وانتا توك بالغزل لسى صغير
بدري على الحال تبحث خفاها

يا صغير السن ذوقتني المر تعبير
جرعت نفسي مرها مع حلاها

يا كبرياء الطموح و يا سمو التفاكير
يا فجر الحياه وغروبها مع مساها

ليه تعزف لي على الوتر الخطير
ليه نفسي عندك تدور شقاها

وليه البحر عندك يصبح غدير
وليه المشاعر بداخلك جف ماها

وليه الغلا يمك يوديني مشاوير
وليه انتي ربيع نفسي وغاية مناها

وليه الحظ اليا قربت منه يطير
يرقا سما عني ويترك خلاها

وليه وليه وليه كل المخاسير
وليه السكوت اشعل بقلبي غلاها

مال السكوت بعض الاحيان تبرير
حتى لو سكوتها مصدر دفاها

اسكت وخلني لقلبك عشير
السكوت للنفس علامة رضاها

فسر لي ليه كانك بالعله خبير
وقلي ليه عندك وين ياصل مداها

قلي واصخرلك القاف تصخير
واخلي قلبك روضة مااحد(ن)وطاها

ما تسمع بها الا اصوات العصافير
قبل غروب الشمس حزت عشاها

واسورها عن الحساد تسوير
واحرس لك ارضها مع سماها

وازرع بها اشجار وازهار ونواوير
واخلي غدران الوله تسقي ثراها

واجلس بها وحدي مالي خشير
اشم زهورها مع ريحة هواها

وأكتب لك حلو المعاني تعابير
واشيل من ذاتك باقي عناها

وارسم لك الغلا اشكال ودواوير
تعال شف رسمتك محد(ن)محاها

تعال يامخدر القلب تخدير
تعال شف الحال واللى وراها

تعال ياروعة الخافق يانسمة عبير
ياقمة الدنيا واخر عطاها