اليوم ميلادك وأنا اليوم مولود
ما دام حبك حب والنبض هادي

تبي تحتفل بيوم ميلاده
من زمان
جهزت له مكان
وحطت كيك وعصير
وشموع تنير
وشوية عبير
من أنفاسها
من إحساسها
وجلست تنتظر دخلت أمير
الأمير اللي على قلبها تربع
جاء من غلاها أيتشبع
فتح الباب ودخل
والمكان به احتفل
وحبيبه فز من مكانه وجفل
سلم وردت عليه بخجل
وقالت ما كنت أتوقع أشوفك
ولا عيوني يا عيوني تحوفك
لكن اسمع وش بك كتبت
شف جبت كل اللي طلبت
شف وشلون لتفاصيلك رسمت
شف وشلون لإحساسك فهمت
تعال … يا ضياء الكون
تعال … يا نور العيون
تعال … وكل عين (ن) لأجلك تهون
تعال … تعال وغيرك لايمكن يكون
تعال … أبي أسمعك بعض القصيد
تعال … ياللي شوفته لعمري تزيد
تعال … يا عساك لي بهالدنيا عضيد
تفضل حياك ربي حياك
ماعندي احد وربي سواك
وبالقلب والله ما أكثر غلاك
وبالعين ياضي العين زايد حلاك
ورشت عليه الورود
وقدمت له هديتها بيوم ميلاده
وقالت عسى حياتك ياحياتي كلها أعياد
وفجأة فز من نومه وقعد
ولا لقا حوله احد
لانه كان يحلم
وحلمه طويل
حتى لو من زمان
جهزت له مكان