رثــاك وهجــــاك
تاريخ النشر: 26-05-2010
الشعر
1
2٬518 مشاهدة
بواسطة: إبراهيم القهيدان
أسكت ويظهر في عيوني غلاك
على شفاتي صمت وبقلبي لجاجه
ضيعتني ما بين رثاك وهجاك
وخليتني مثل بحر هاجت امواجه
تاهت اخطاي وانا ادور رضاك
مثل من يمشي بسموم وعجاجه
اسكت ويظهر في عيوني غلاك
على شفاتي صمت وبقلبي لجاجه
اترك جحود الذات واخايل عطاك
واعطيك من قلبي قمة هياجه
اعطيك برد السنين واتلحف دفاك
واترك القلب يدفا بغاية مزاجه
الغلا هتان ومن رشه سقاك
تنثر عذب ميه وتسقيني هماجه
متصارع فيني حبك والهلاك
وغلاك بالقلب مثل الزجاجه
لا تكسره خله ينور حشاك
خله اشراقة صبح بعد انبلاجه
واليا ضيعتني بين رثاك وهجاك
اكيد بصير بحر تلاطم امواجه
1 تعليق
ياحظها ياسعدهاااا
الي خلت قلبك لجاجه
صح لسانك