روضة خريم قديمة جدا فأقبلوها كما جاءت بوقتها

ماني من اللي شكا لوعة الظيم
اللي لا جته الليالي تضيّم

ولا اذكر أنهم قالوا عني غشيم
ولا اذكر قالوا عني غشيّم

افهم وافهم وعند حالي فهيم
وعند العرب ماني مسمار مجيّم

طيب ومحبوب وطبعي كريم
ومحبة الناس رأس مال يتيّم

دايم اعز النفس ودايم أشيم
ويا كثر الأمور اللي عنها أتشيّم

على شانها أزعلت بعض الحريم
وعزتي للي يزعل الحريّم

بالكويت والحفر وأطراف القصيم
واللي بالإسكان والبر عندي مشيّم

وكل من سكن ببيوت النظيم
واللي تقول قصر معي هكالغليّم

واللي لنا عزوة يم النسيم
لهن الغلا على القلب هيّم

الخافرات الناظرات وضح ومجاهيم
اللي غلاهن بوسط القلب خيّم

غلاهن متعلق بأطراف الصميم
يمشي بدم قلبي كني متيّم

اشتاقهن شوق الثرى لردة الغيم
اليا سحاب الوسم بالجو غيّم

وقلبي لهن كأنه روضة خريم
عقب السيول اللي عليها تليّم

:::

::

: