ناس على العليا دايم مرابيط 
وناس على الهينه تفك رحالها

سلامي لمضبط الهرج تضبيط

ترا السوالف هينه لمن قالها

راح الزمان اللي فيه تمشيط

والناس عند الناس تعد أفعالها

ناس على العليا دايم مرابيط

وناس على الهينه تفك رحالها

وناس بمداتها تحتاج تنشيط

وناس تنومس كل من عنالها

وناس إبحر وتعطي بتنقيط

لو ماعطت مع الناس أشوالها

ترا العطاء انواع بكل تبسيط

وكم مدةٍ عند العرب يرثالها

فيه عطاء وفاء وعطاء مصافيط

والمده الطيبه تعرف ارجالها

وعطاء هفا يجي بدون تخطيط

يوم الناس بالطيب تمس احبالها

الطيب بين الرجال ماهو بتنطيط

من مد يأخذ مدته واعدالها

هذي سلوم العرب وأفهم ياعبيط

والناس مع الناس تحب اشكالها

::

: