ليه الزعل ليه الكآبة والأحزان
ليه الألم في تفاصيلك ملاني

كنت لي بالحب يا شوق عنوان

وطلعت أنا مضيع اليوم عنواني

معوض خير يا روح ولهان

عساك لقيت اللي يسد بمكاني

ليه الزعل ليه الكآبة والأحزان

ليه الألم في تفاصيلك ملاني

دنياك هذي على مر الأزمان

ما تستاهل نزعل عليها ثواني

الفقد موجع في تفاصيل الأشجان

كم واحد من فقد روحه يعاني

وكم واحدٍ عايشٍ داخل إنسان

وبداخله عايش إنسان ثاني

وكم واحدٍ كان للحب نيشان

وكم واحدٍ جبر انكسار الأماني

وكم واحدٍ كان بالغدر فنان

تطعن سيوفه بالضلوع المحاني

وكم واحدٍ زرع للود بستان

وعن دروب الهوى ياما نهاني

لا تحسب من الفرقا خاطري زان

ترا فراقك بالضماير كواني

بعدك صرت أنا والهم خلان

يجيني هم على هم طواني

أسامر طيوفك بكل الألحان

طيف سرا بي وطيف رماني

يوم كنت لي بالحب عنوان

لكن طلعت مضيع اليوم عنواني

:::

::

: