المركب .. 

قديم .. 

والليل العتيم .. 

بانت مصابيحه

أركان القضية

جاني ومجني عليه وضحية

وأنا يا أنا صرت

أنا الجاني

وأنا المجني عليه

وأنا الضحية

وغرقت بيننا فصول القضية

والقلب اللي على المركب نوى

ما شاف إلا قبطان ومجموعة أحاسيس

خلت العاشق تعيس

وشال معه ملفات وأوراق

في طياتها حب وأشواق

وبعض صفحاتها ألم وفراق

والمركب

قديم

والليل العتيم

بانت مصابيحه

والرياح ساقت شراعه

والألم .. آه .. يالألم زود أوجاعه

والأمل ضيع ربان السفينه

ضاع وضيعني معاه

وصرت أدور على أطراف مرساه

أسال وأدور وين نلقاه

الأمل

آه يالأمل

وين ملفاه

الأمل

اللي يمك رحل

قطع شراع السفينه

وكسر مجاديف الأحلام

والراية اللي في يدينه

طاحت على كومة أوهام

والحلم اللي رسمك بحياته أماني

تخالط به أمواج السعادة مع الخوف

من طيف ولا كل الطيوف

طيف عبر

بالقلب استقر

يبي حلو الشقا يلامس الجوف

لو الشقا ما بالشقا حلو يطوف

حتى كسر مجاديف الأحلام

وقطع شراع السفينه

والفكر اللي تخطه يدينه

ما فسر أركان القضية