شايب يهذري
وكل شئ عليه يطري
صايبه شوية ذهول 
من شئ ماهو بمعقول ….

شايب يهذري
وكل شئ عليه يطري
صايبه شوية ذهول
من شئ ماهو بمعقول
إيتذكر ايام الصبا ويقول
كان الغلا باقي
خوذي بعض اوراقي
تلقين بها بعض اشواقي
بعد ما كبروا العيال
شانت الحال
قل الدلال
كثر النقد والتجريح
مافيه شي صحيح
ولا زول (ن) مليح
صار نومه شخير
وقربه هجير
راح الحرير
والسرير الوثير
اللي عليه احلا كلام
مافيه خصام
كله هيام
وجت السنين العجاف
وحل الجفاف
وتغيرت الكشره
وتنكروا للعشره
وكثرة العذاريب
وقلة المطاليب
بالرغم من عوزه
يبي عجوزه
اللي سجل عندها رقم فوزه
ايام الشباب
ايام مافيه عتاب
يوم الغلا باقي