غريب أنتا يا زمان
مالنا عندك مكان
نبيك ولا تبينا 
دايم تقس علينا 
حتى لو إنا أصحابك 
حتى لو إنا أحبابك 
دايم تطعنا بصوابك

رغم الألم ما ماتت قهر

رغم الألم صايره شبه القمر

أو هي قمر

ساطعة بين الكواكب والنجوم

بعيده عنها الهموم

تشوف بعيونها أمل وصروح

تشوف بعيونها كل الطموح

دايم يعتليها كبرياء وشموخ

وهي قلبها من الهم مشروخ

ومع ذلك صابرة على ضيم الزمان

الزمان اللي رسم بعيونها كل الحنان

الزمان اللي عاندها بفخر

وده يسقيها مر وقهر

والحظ اليا منه صار بين الحفر

ما ينبت فل وزهر

ولا يمره ريح العطر

وأيامها صارت بين غدر وهجر

ومع هذا كله تنظر للمستقبل بأمل

واليأس بقلبها ماله محل

رحل أو اضمحل

ما فرقت كثير

والعقل الكبير

تجانس مع السن الصغير

لكن الزمان الحقير

الزمان الضرير

ولد هجير

وصارت غصب تسايره

ما تبي تطلع من الدائره

لو أيام الزمان صارت جايره

غريب أنتا يا زمان

مالنا عندك مكان

نبيك ولا تبينا

دايم تقس علينا

حتى لو إنا أصحابك

حتى لو إنا أحبابك

دايم تطعنا بصوابك

يكفي يا زمن يكفي

يكفي … يكفي

غدر الليالي والهجر

يكفي … يكفي

ألم الزوايا والحجر

يكفي فخر كل الفخر

رغم الألم ما ماتت قهر